كشف خالد الغندور نجم الزمالك السابق، عن تشكيل الأهلي المتوقع أمام باتوشكا المكسيكي اليوم السبت في نصف نهائي كأس الأنتركونتيننتال 2024، موجها رسالة نارية لـ محمد عبدالمنعم كهربا لاعب النادي الأهلي بشأن مستقبله مع الفريق، وما يجب فعله للبقاء.

وقال خالد الغندور في تصريحات تليفزيونية عبر شاشة «أون سبورتس»: «أفشة من اللعيبة اللي متصنفه عند كولر أنه لعيب احتياطي، لأنه بدنيًا مش قوي، وبينزل في وقت بيكون تركيز الفريق المنافس قل».

وأضاف: «لو إمام عاشور في أفضل حالاته هيكون أحسن من أي حد، ولكن هو دلوقتي مش أفضل مستوياته، وأفشة ممكن ياخد وقت في المباراة لأنه لاعب مميز».

ويرى الغندور أن تشكيلة الأهلي الأنسب لمباراة باتشوكا المكسيكي كالتالي:

حراسة المرمى: محمد الشناوي.

خط الدفاع: عمر كمال عبدالواحد – رامي ربيعة – ياسر إبراهيم – يحيى عطية الله.

خط الوسط: إمام عاشور – أكرم توفيق – مروان عطية.

خط الهجوم: وسام أبو علي – طاهر محمد طاهر – حسين الشحات.

وأردف: «اتمنى أشوف عمرو السولية لأنه لعيب جد، وبيهاجم ويدافع على أعلى مستوى، ومعتقدش أن كهربا هيبقى ليه دور بكره، لأن الراجل بيعتمد بصورة أساسية على وسام أبو علي ولو في حاجة هيحط طاهر مهاجم».

وأتم الغندور تصريحاته قائلًا: «كهربا قدامه شهر بالظبط لو ما اثبتش ذاته هيبعد تمام، لأنه مصنف في الوقت الحالي ينزل مكان وسام، ولكن الأهلي بيدور على رأس حربة يكون زي وسام، ولو ده حصل هتبقى فرص كهربا تكاد تكون منعدمة».